HomeBlogAbout me

اشك صوتي عله طوله وينقسم صوتين واحد مشتهيك وصوت للفركه/جنت منتضره ترفع راسي بين الناس موش كبال مرتك صوتك ترفعه/واحدهم سهم مايعرف يشيل بس بضهري صارت كلهه رمايه/خذت لمن رحت كل حيلي وياك ماحاسبت نفسك تاخذ الحيل/عفت كلشي بحياتي واجيت عليك ليش من شفتك صحت عزلنه/نفس كل يوم احضر واهس الملكاك وتتأخر وكول ايرتب بروحه/انه الشجره الكبل باغصانهه احساس وعلي هدن خريفك والمناشير/ادمع وانعصر وانحسر من اشتاك واكولن سهله فتره لهجرك اتعلم/ملحي وزادي ماغزرن وياك كلي شلون يعني انطيك تيزاب/عليك الله تعال وجيب روحي اذا راد الله روحي منين ياخذهه/قهر حبك حجيته بروضه اطفال وره شويه اصبحت دار المسنين/انصحك لاتعد كل المدعبل جوز وشاعر لاتغيضه ايكتلك ابيته/دليني اعلى محد حتى امشي وياه لأن صحباني كالو محد ايحبك/صح عندك جمال يذل النجوم بس عندي كرامه تذل جمالك/اكص لسان جرحي يخضر لسان شمالك ياجرح متكعد لسانك/ماعايز فضايح كافي شمات مو شامت طلعلك حتى شريانك/اذا رايد تعاشر عاشر اعكال كدامك يطيح بيوم تعثر/انه شايل كرامه بكد نفوس الصين الهوه لو شال خشمه بعد ماشتمه/خل باجر يجي واكشفلك الراس ونتعاتب عليهن شيبه شيبه/اتريد نرجع لا ولك لا مستحيل هم سمعت من الكبر ميت رجع/شلتك ماي غيره بكصه الناعور شماعوفك ارد بمايك اتبلل/الماعنده عشك مو صاحبه الليل ولا يدري النجوم تصير يالون/عله فراكك بجت حتى الحياطين بحيث البيت طاح من الرطوبه/تره كلمه احبك صارت علان لأن مكتوبه حتى اعلى البطاطين/مو شرط الحرامي ايكون مكروه اموت اعلى الحرامي الباك كلبي/ماحاجه اكول الخالقك فنان بعد رب الجلاله وركز بواحد/جريمه الحزن من ياكل بل ضلوع ينادي اعلى الجروح تفضلن وياي/